Öppis wo uns alli zumene homogene Gmisch vereint, egal welles Alter, welli politischi Ihstellig oder welle Hintergrund. Dr FcB isch Läbensinhalt und kei Wirtschaftssimulator womme mol schnäll cha bitz ummespiele demit!

e stetige Begleiter wo nyt vyrlangt und doch so vill git

e konstanti Begleitig in mim Lääbe und die grossi Liebi wo syt minere Kindheit nie kleiner worde isch. Und das söll au in Zuekunft so bliibe könne!

mis rotblaue Delirium.

..e Begägnigsort für tausig unterschiedlichi Lütt wo für die Zitt alli ains sin.
..e Zueflucht usem stressige Alltag ine Wält wo me sini Emotione kha usläbe.
..ganz eifach Basel. Und darum söll dr FCB au z‘Basel blibe und mit sine Farbe no villi Mensche begeischtere. Hopp FCB

E grossi Liebi wo nie wird ände.

…dr Protagonist vo de wichtigste soziale und kulturelle Aläss in dr Nordwestschwiz.

Liedeschaft

eigendlig unbeschriblig. Y probiers trotzdäm. Dr Verein isch näbscht dr Fasnacht s wichtigschte Kulturguet vo dr Region. Är stoht für Kollege und vereint au sunscht alli gsellschaftliche Schichte. Dä Club löst so viil Emotione us. Dr FCB isch für mi e Läbensihstellig.

E Grund s Läbe chöne gniesse, vom Altag abzschalte. Wie e zweiti Familie.

Freyheit & Emotione

…e unersetzbare Teil vo däre Stadt, wo d Mensche bewegt, begaischteret und berührt.
Dorum mien mir alli zum FCB Sorg trage.

schlooflosi nächt und verdräumti dääg. aktuell mee e albtraum, wo hoffentligg bald ändet.

Mit rotblauem Bluet gebore und sit 50 Johr gueti aber au schlächti Zite mit em FCB erläbt. Vieli wänn nur zum FCB stoh wenn er erfolgrich isch, das isch aber nit richtig, denn wenns schlächt goht sin mir au derbie!

Liebi bis in Tod….

… e lebändige und aimolige Farbtupfer, wo mi bewegt, begeischteret, paggt, liide, schwärme und verzwiifle, aber nie kalt lost; jetzt erscht rächt nid!

dr Fixpunggt in dr Agända, wo dr Alltag bestimmt.

Dr roti Fade wo durch mis Läbe goht, s blaue Band wo Familie und Fründschafte zämehebt!!

….e Familietradition! Vo mim Vater übergäh, über mi Partner und jetzt an mi Sohn witergäh….

Ich erinnere mi, wo mi dr Papi irgend ändi 80er ins alte Joggeli mitgno het, bim Totomat und wo no die alti Dame s Bier verkauft het uf dä Tribüne! Ab dört hets mi paggt,bis unter d Huut. Burgener und Konsorte hauet ab und gäbet dr FCB zrugg,an die wo druss chömme vom Sport!

E rot ond blaui Farbegstalt, wonderschön git mir Halt. Ond för immer ond am Tag Di z‘gseh als Teil vo Dir ohhhh FCB 💙❤️ #Vale ein vo uns!

Lebensfreude. Am Tag als Rene Botteron 1983 beim FCB unterschrieben hatte wurde ich FCB Miglied und habe auch seither ununterbrochen minimum 1 Saisonkarte. Meine beiden Töchter Isabel und Dominique wurden auch durch & durch Rot Blau ❤️💙😘

Haltig zeige.

Tradition, Mythos und Verbundaheit sit über 10 Joor

E Verein wo die ganz Familie mitriest und alli mitfane chöne. Mä kennt sich und noch in guete und au schlächte Zyte….

Teil der Identität.
Nur wenn me au in schlächte Zite mit drbi isch,
isch me wirklich drbi! Alles andere isch Banane.

Läbensmittelpunkt sit über 20 Joor

ei Tradition, e Gmeinschaft, e Zueghörigkeit, e Härzensaglägeheit, es Dehei… Ich könnt die Liste no ewigs lang witerführe. Dr FCB isch für mii viel mehr als nur e Club.
Es isch e zämme liide, zämme lache und e zämme yystoo! Und genau das wird jetzt gmacht!

meh als eifach nur e Fuessballclub. Är isch e Idee, wo Lüt us allne Schichte und verschiedenschte politische Richtige unter aim Dach vereint.
Die Idee gsehni in grosser Gfohr, wenn unsere FCB an usländischi Investore verkauft wird.

Liideschaft und Liebi!

… mini Liebi, mini Fründe, mi Deheim!

au ä wychtig sphärisch, kindlichs Grummle fyrs Lüchte vo dr Stadt, fyr d Gsellschaft, letschtlich fyr uns alli – wie d Basler Fasnacht – um gege so vyles kenne z beschtooh, wo s täglig Läbe umtrybt und y-ängt. Beseelti FCB-Fiehrigskräft: die verstöhn und wirgä dementsprächend…

mi Lieblingsverein ob in guete wie in schlächte Zite, absoluti Inspiration, öbbis woni jede Daag muess dradängge und jede Daag hiehnerhuut grieg, zum’s kurzhalte bedütet dr FCB ALLES für mi!❤️💙

E treue Begleiter egal in wellere Läbenslag. Es Gfühl wo mi begleidet uf dr ganze Welt.. Emotione wo keini Grenze kenne. E Ort wo Fründschafte gläbt wärde. E Kompass für Reise in Ostblock. E Ort voller Erinnerige. E Liebi wo nie wird ände. E Teil vo dr Identitet in dere Stadt.

das Füür, wo niemols erlischt!

das worum sich alles dreiht.

e wichtige Teil vo Basel.
…und eine Visitenkarte für diese wundervolle Stadt am Rhein, die leider momentan immer unansehnlicher wird.

sät über drei Dekade e wunderbare rote Fade im Läge.

meh als numme e Verein. Es isch wiene zweiti Familie. E teil vom Lääbe wo nid darf verlore go.

Liebe

unverzichtbar. Hüt vor 25 Joor bin i an däre Stell d Stääge uffe ins alte Joggeli, ha di s erscht Moll gseh und sithär losch mi nümme los. Das mues so bliibe.

so viel mehr als nur e Verein! Ich ha so viel Momänt dörfe erläbe mit Emotione, Fründe, Zämmehalt, Verbundheit und Sunneschiin und Rääge. Zum das erhalte muss die jetztigi Führig goo, well sie het scho zu vieles kaputt gmacht.

Liedenschaft au uf FCB Reise
in ganz Europa !

de Verein wo mich cha so begeistere, dass ich alles andere vergiss. Ich han scho viel chöne fiire mit dem Verein aber au scho viel müsse liede. Für mich verbindets au d Mensche in de Region.

D Verbindig vo de verschiedenschte Schichte und Kulture. E Träffpunkt für jedi & jede, wo s uff die eigeni Art fühlt. Mir alli zämme gstalte die Gschicht und das muess so blibe.

Besser ohni Sforza &Burgener
Meh als nur e Club !🔴🔵

Immer no e top Manschaft, mir müsse basel wyterhin unterstütze❗🔥

Dr FCB Isch e Teil vom Läbe, für mi, d‘ Stadt, d’Region und viili Mensche in dr ganze Schwiiz.

….mi Haimwääg ufm Hiiwääg. Aber trotzdäm grad e Einbahnstross….

mit dr Groossmamme die ersti Fahne z naaie und die voller Stolz immer und überall hoch z halte.

Nüd ohni Vale!!

…e Härzensaglägeheit!

Emotione, zäme Basel, Fründe, volle Isatz, Fuessball

Ich bin seit 1985 mit dem FCB verbunden, mein Vater war schon immer FCB Fan und ich habe es nun meinem kleinen Sohn ebenfalls weitergegeben, er war mit 3 Monaten das erste mal im Stadion dabei. Nun ist er 5 Jahre und schläft am liebsten nur noch im FCB Pyjama. Für immer rotblau!

…wie au für mini Gina mi Härzbluet ❤️💙

E Mol s Gröschte gsih in Basel.
Durch diversi Gäldgiierigi Manöggel leider zue däm gmacht worde, wo n är hüt isch.
Y wart immer no uf e wysse Ritter, wo n is us däm Albtraum erlöst

Näbe Familie und Fründe s wichtigste im Lääbe.
Är isch kai Firma!
B. Burgener und Co. zerstöre grad alles was dä Club usmacht.
Resiliänt blibe!

LaLaLaLaLaLaLa LaLaLaLaa LaLaLaLaa
Für di würd ich
LaLaLaLaLaLaLa LaLaLaLaa LaLaLaLaa

Mini Motivation, Familie, Lyydeschaft, eifach e Härzensaglägeheit und öbbis wo mich mis Läbe lang begleite wird und nit emol dr Tod uns trenne ka – FCB mr liebe di!

Hienerhutt.

…ai Stadt, ai Club, ai Liebi ❤️💙

… vererbti Familiegschicht! Gmeinsams Juble, gmeinsams Hoffe, gmeinsams Ufrege und Durekeie.

… e Härzensagläägeheit, wil är Basel begeischteret, uffregt und zämmebringt: Gross und Glai, Stadt und Land, Babbe (amigs au d Mamme) und Sohn (dängg d Töchtere au).

so vil mee als e Unternähme und Zahle. Wie sunscht kum öbbis schafft ers, die unterschiedligschte Mensche in dr Region z verbinde. Woher die Kraft kunnt, weiss niemmer. Aber sie isch eimolig, also trage mr Sorg zu ihre!

dr einzyg wahry fuessballklub!

e Teil vom Läbe. Hüt genauso wie vor 35 Joor

Puri Emotione, wenn mer für sin Fc B cha singe und mitfiebere
Es isch die grösst liebi und das wird immer so sii❤️
Fc B für immer und ewig
Ai Stadt, ai club, ai liebi❤️💙

… meh als numme e Verein. Meh als numme 90 Minute luutstarggi Unterstützig. Meh als numme d Extrazugfahrte durch die ganzi Schwiiz.

…eine ewige Liebe, schon seit 1973 für den grossen und seit 2014 für den kleinen Bebbi auf dem Bild. «Sait dr Babbe zu sim Sohn: Hüt kunnsch mit ins Stadion» hoffentlich bald wieder live alle FCB Fans zusammen im Joggeli! „Ob bi Sunne, ob bi Räge, stöhn mir hinter em FCB!“

sit mim erschte Match im Joggeli e Abentüür

Warte uff besseri zyte

ä Dail vo mim Läbe. Dr FCB isch Kultur, Familie, Sport und ä Dail vo BASEL!

alles und nomeh

Grösser als meh in Wort ka fasse

Schultere an Schultere mit dr Familie..
Tradition – uf em Rase wie uf de Räng.
Kämpfe – uf em Rase wie uf de Räng
Zämmehalt – uf em Rase wie uf de Räng
Lyyde – uf em Rase wie uf de Räng
Gwünne – uf em Rase wie uf de Räng
Verliere – uf em Rase wie uf de Räng….,,

meh als e Verein. Ich ha die letzte 18 Johr, sit ich s erst Mol im Stadion gse be, alli grosse Spell derfe meterlebe. Wenn Kurve singt und s Stadion mitmacht, wirds jedem Gegner unwohl ufem Rase. Die Chraft vo de Fans, die Magie vom Joggeli, eifach alles.

Für immer und ei Daag❤

es Gfühl vonere Verbundeheit mit ere eimalige Stadt, unbeschrieblichi Emotione um & mit em Fussballgscheh z‘Basel, en Institution vo zu Basel ghört wie s‘Spaletor, dr Rhy und d‘Fasnacht. Ai Liebi, wo ni verlöscht, egal was passiert.

Lyydeschaft ufem Platz, Emotione uf de Räng, vor und nachem Match Fründe träffe und diskutiere, Freud oder Leid am Mäntig drno und daagelangi Vorfreud ufs nägschte Spiel.

…la la la la la la la la la la la laaa la la la la la – FÜR IHN WÜRDI… la la la la la la la la la la la FCB!

nit in Wort z fasse! Ganz sicher überlöön mir Di nit an ere Briefkaschtefirma.
Sunscht goht alles dr Bach ab.

E Härzensaglägeheit für die ganz Familie. D’Bedütig vom Fanläbe het mir mi Bappe und dr Götti vermittlet. Ych gib die wichtige Wärt jetzt mine zwei Buebe wytter. Bi Sunneschiin und Räge!

E treue Wägbegleiter sit 1979. I bi mit 6i zerscht mal mit mim Unggle ins Joggeli und vo den ah hets für mi als Thuner numme no dr FCB gäh. Dr FCB isch au eine vo de Gründ, dass i im 1996 Basel zu mim Läbensmittelpunkt gmacht ha und jetzt scho 25 Jahr in Basel dehai bin.

tolli Erinnerige, viel Abentüür und unzählig schöni Moment. Aktuell leider nur Wuet, Ernüchterig und kei absehbars Änd vo däm ganze Schlamassel.

Viel mehr als nur e Fuessballclub. Dr FCB verbindet Generatione und stoht für e ganzi Region – dr FCB isch Basel.

Meh aus nur e Verein!

Emotione und Bluet!

Generationen übergreifend und eines der Gründe warum ich, vor vielen Jahren, nach Basel gezogen bin!

Dr FCB isch für mi mehr als e Club, oder e Mannschaft. Er isch Läbensinhalt und Läbensihstellig.
Für RotBlau stand ich yy & ahne!

meh als nur e Fuessballclub. „Sait dr Babbe zu sim Sohn“ isch nit nur e Fanlied sondern wird au gläbt. Ich stand y, dass mini Kinder au in Zuekunft dä FCB dörfe erläbe wo mir alli kenne und liebe. Dr FCB darf nit zumene Spielball vo usländische Investore wärde!

… e unverzichtbars Stück Identität vonere ganze Region!

Investore sin nid alles im Läbe
Burgener lo’s eifach sy
Dr FCB darfsch nid verkaufe
Dr FCB ghört nur dohi!

wichtig.

…über 22 Jahr unvergesslichi Moment, Emotione, Erlebnis in Rotblau.

Familie

… wie e guete Fründ, woni mitem vili schöni Erläbnis ha dörfe teile. Obwohl är sich in letschter Zit drnäbe benimmt und sich immer wie meh entfremdet, hofft me doch, dass irgendwenn alles wieder wie friehner wird!

usemne klaine Same durch Faszination und Lydeschaft zumene prächtige Baum gsprosse, wo tief in Basel und sinere Umgebig vrwurzlet isch.
Und trotzdem isch r nit vo Holzhagger und Zünsler gfeilt. Es gilt n z’beschütze!

wiene Quadrat in eme Kreis! An ihm und wäge ihm egg ich immer wieder aa…

Familie

dä Ort wo sich en grossteil vo mim soziale Läbe abspielt und dodrmit au als Anker in herusfordernde Zite fungiere kha.

Ustoobe und sich wie dehai fühle

e wichtige Teil vo dere Stadt. Für immer Rot Blau im Härz!

s ainzig wo unsri polarisierend Gsellschaft zämmehebbt und allne e Gfühl vo sozialem Zämmehalt gitt. Das kasch mit Gäld nit kaufe! Dr FCB isch Läbensgfühl.

s’bewusstsyy vo vetrauter heimat und vor härkunft – E identität.

… im Drämmli Lieder vor mi aanesinge.
… bim Schaffe das wo mi ablänggt.

Vell Emotione ond magischi Nächt… Be met mim Brüeder sed 18 Jahr go FCB Mätsch luege. Hend mehreri Jahr d Saisonkarte gha. D Verbundeheit zum Club esch emmer no doh, aber leider gönd emmer mehr traditionelli Wärt verlore. Es bliibt för emmer FC Basel, aber es muss etz öppis go!

…nit möglich mit 280 Zeiche z beschriebe.

e Institution! Und Institutione sott me mit Respäkt behandle und nit mit Inkompetänz und Gäldgiir z‘Grund richte

Sit ich e chind bi alles für mich und wird mich bis in tot begleite.

Emotion und Tradition

e sehr e fragils Basler Kulturguet, wome vor de gfrässige in- und ussländische Schpekulationshaie notfallmässig rette muess. Subito!

Stolz und Erfüllig aber zur Zit nu a Hülse ohni Füllig

e Verein, wo jederziit und für alli FCB-Fans griffbar bliibe muess. Dr FCB isch Basel und Basel isch dr FCB.

Härzbluet,Familie,Rot-Blau
Lyyde,Liebe,Hoffe…..
mit Fründe Singe,Juble Durekeye.
Usswärtsfahre,Niederlage…Siege..
Im Räge..im Schnee..
My Pape hets mer Zeigt….
Emotione… Lyydeschaft….
Hässig sie…Nervöss sie…
Biertrinke…Feschte…..
Syt über 50 Joor bisch Du dooo..

e ussbräche us em alldaag!

Zämmehalt, Emotione, Lideschaft und Begeisterig sit em erste Bsuech im Joggeli. E zentrale Teil vo mim Läbe. Dr Verein läbt durch sini Fans

de besti Fussballclub

für Basel und d Region unverzichtbar.

Mi Lääbe!

für immer und Daag, egal wohii i gang!

e Religion und e lebändige Mythos, eifach unvergliechbar.

E Grund zum Duurebisse.

…singe und gwinne, schreye und duuregheie, usser Rand und Band – fescht und für immer in Basler Hand!

mis Härz. Er ghört zu Basel und das soll so bliebe.

e ständige Begleiter.

besser wenn dr Burgener nümi do isch.

Emotione und Erinnerige, zum Biispil ans erschte Date mit minere Frau am Eröffnigsspiel vom neue Joggeli am 15. März vor genau 20 Joor!

Basel isch die Fuessballstadt und mit em FCB verbinde ich sovyli unvergässligi Emotione in Rot/Blau. Basel isch Kult

E grosse Teil vom Läbe wo mi prägt het. Es isch so viel meh als nur Fuessball.. Vo de heimische Räng bis in die hinterletsche Egge vo Europa! Das alles isch dr FCB!

…und das no s‘erschte FCB-Shirt vo Ende 60er-Johr ❤️💙
VALE CHUM BALD ZRUGG !!!

Mini Religion. Ich glaub an ihn in guete und in schlächte Zitte. Ich lied für ihn und dörf en fiire. Dr Sieg und d Art wiener erreicht wird isch wie s rette vonere Seel. E Bächer uf mim Kopf wo de Hoor guet duet aber mir egal isch well dr FCB spielt.

…. Sbest wos je hetz gitz! ❤️💙

mi Verein sit eh und je, bsunders sitm erste Live-Match als chline Bueb (Swisscom Cup / FC Liestal vs. FC Basel 1:6 / 2006)

Abgse vo de sportliche Höheflüg in de letschte beide Joohrzähnt au näbem Platz e Vorbild gse. E Club wo mitre ehrliche Art und enre klare Kommunikation Nochhaltigkeit & Beteiligung gläbt het. Er isch für Prinzipie igstande wo über dr kommerziell Erfolg gange sinn. Die ganzi Arbet wird grad kaputt gmacht. Drum: Zrugg zur Demut und erscht rächt kei Verkauf an Inveschtore wo die Wärt egal sin.

de grösst traditions club vor schwiiz

langi Joor ä Herzensaglegeheit gsi, aber es wird immer schwiriger. Offesichtlich will do öpper alles kabutt mache…

Lideschaft, Herzensaglegeheit, 2. Familie, die witigschti Nebesach!

Lääbensinhalt, Freud, Leid & nie wägzdängge

…e Sehnsucht

mitlääbe, mitliebe, mitliide.

Familie. Tradition. Härzbluet. Nid wägzdänke. FCB-Fan kasch nid wärde, FCB-Fan, das muesch sy!

e Droge.

Familie, Fründschaft, Emotione….
kurz gseid; e teil vom Läbe, wo mich immer wird präge…

… alles und no viel meh.

so vill meh als nur e Verein, sisch e Gmeinschaft für gross und chlei.

…immer (alli?) Alles gäh… und niemols nocheloo!

Kurve, Kunscht, Kultur

meh als schutte und schlooflosi Nächt. Meh als singe und duuregheie. Meh als magischi Nächt und Titel uff ere Visitekarte. Är isch das, wo kein begrifft, wo no nie im Joggeli ä Drauum träumt hett.

S erschte Spiel im alte Joggeli vor witt über 30 joohr, unzähligi internationali Fahrte mit ganz viele emotionale Erinnerige, unglaublich vieli Freundschafte und Bekanntschafte, s After Match Bier in dr Hattrick. Dr FCB zieht sich wiä ne rote Fade durch mis Lebe!

e Fixstärn in mim Universum! Eine wo mänggmoll häller oder schwächer strahlt, flaggeret, Eruptione het, bäbbt, brennt, blitzt. Und Eine wo bim Blick druff ganz viil Emotione uslöst!

Uff dr ganze Wält e Stügg Heimat!
Abentür, Fründschafte, ei Stadt, ei Liebi – heicho!
Bitte liebi rotblaui Seele, verloss uns nid!

ein Club der Generationen verbindet: Grossvater, Vater & Sohn…

Dr Inbegriff vo für was es sich z kämpfe lohnt

Familie, Freyheit, Lyydeschaft und Treui wo mi e Läbelang mit de Farbe RotBlau wird verbinde!

FCB Fän kasch nit wärde, FCB Fän das muesch sy.
Syyt 1965

…viel mee als ä Fuessballverein. Dr FCB isch für da gsi u het mir ä Familie gä wo i nie gha ha. Im Joggeli, ir Kurve füehl i mi endlich acho!
Bis i Tod wird mir dr FCB begleite ❤️💙
FCB für immer und ewig! Ai Stadt, ai club, ai liebi ❤️💙

nid in Wort z fasse – aber sicherlich kei Bestandteil vomene usländische Firmekonsortium.

Eimol fcb immer fcb rot blau bis in tod ❤💙❤💙❤💙❤💙

Härzbluet ❤️💙

vill. Und no meh.

e Familie Tradition über Generatione

e stete Beglaiter sit minere Kindheit…. aber ohni Burgener und Heri!

E Stück Heimat wo verbindet. Freud und Zauber für das mir alli ihstöhn. Als Kind mitem FCB-Shirt, hütte ghöri d Gsäng bis ufe Balkon.
Hoffentlich kunnt dr Fuesball bald widr Heim. Und dr Burgener haltet sini gäldgiirige Finger usem Spiel und macht e Abgang.

E Härzensahglägeheit wofür mehr jetzt erst recht muss Yystoo!

Eine Lebenseinstellung – von der Geburt bis zum Tod und darüber hinaus!

e soziale Träffpunggt wo me mit Respäggt und Wärtschätzig mitenander umgoot. Leider isch das unter dr aktuelle Fiehrig zu oft nid dr Fall gsi.

Unbeschriblig. Ha mich als kleine Bueb in dä Verein verliebt, und es git NÜT, wo das ka ersetze!
Es macht weh, dr FCB so z gseh!

vo mir us widr 21 Joohr, 9 Mönet und 24 Dääg ufe nöggste Titel warte wenn nur s Härz vom Club rotblau blibt. Und Ignorante wie Burgener/Heri odr Investore wie Centricus könne das nid begriffe, geschweige denn umsetze.

…e Füür woni au bi mine Kinder möcht entfache!

sit em legendäre 6:4 gege Brügge (73/74)eifach ä Härzensaglägeheit mit viel Emotione und Liedeschaft!

Rotblaui Farb im graue Alltag.
Erinnerige sowie Vorfreud.
Sunneschiin und Räge.
Und no ganz viel meh

…mängmol e Sturm uf e Gipfel und mängmol e Talfahrt, aber immer e Teil vo mir!!

d‘DNA vo Basel. Vererbt vo Generation zu Generation – syt Generatione. Rotblau für immer. Unverpflanzbar und untrennbar verbunde mit Basel. Nur vo Basel aber für alli, wo sich infiziere löhn vom Zauber und vo dr Magie vom FCB.

Unbeschrieblichi Emotione, bi Sunneschiin & Räge, für immer Rotblau.

… nüt wo mä sött an d‘Wand fahre!

Über allem stohsch du!!!

e Läbensyhstellig und nid eifach e Läbensabschnitt..!

Tradition…
………………..vom Babbe zum Sohn!

Kindheitserinerig

Emotione, Vieli Erinnerige und Kindheit

für immer bi mir gsi scho als Klaine het er mi begleitet
und loot mi nieme loos.❤️💙

… mi Chindheid.
… mi Jugend.
… mi Läbensfroid.
… mi Emotion.
… mi Härz.

♡ Für immer rotblau ♡

…e grossi Liebi – au zmitts uf em Atlantik.
Drum duets im Härze weh, wie dä Club in kurzer Zyt ins Eländ grytte worde isch.

Emotionen, lyydeschaft, fründschaft,hässig wärde,fiebere , fyere, brüele,singe.
Fcb isch Basel und Basel isch Fcb punggt

sit Kindesbeine e Teil vo mim Läbe. Ich bi scho als kleine Knopf vor über 50 Joor mit em Papi an d Match vom FCB ins Joggeli spaziert. Ich ha dr Abstieg ebeso wie die viele Titel live miterläbe miesse/dörfe.
Löhmer dr FCB nid stärbe!!!!!

kämpfe bis zum Schluss – in guete und in schlächte Momänt. S erscht Mol im Joggeli zu Nati B-Zyte. Sythär so vyyl Emotione, surreali Erfolg. Hüenerhutt. Fahne und Füür. Scho damals isch mr bewusst gsi, was das für e aimooligi Zyt isch. Jetzt isch’s au surreal, leider – aber es wird wieder uffwärts goh.

Aagebore. Tradition. Zämmehalt. Emotione. E Dähei.

alles und no bizli meh. Rotblau stoot für alles und doch nur für di. Mit em FCB hani di schönschte und au truurigschte Momänte in mim Läbä könne miterläbä. Basel bietet mir in schwierige wie au in sunnige Zyte Halt und losst mi während 90Minute und no meh, alles andere vrgässe.

Härzenssach❤💙

für vili joore emotione, freud und leid egal ob dehei oder uswärts. leider git er aktuell in dere surreale zyt nid dä halt resp. die freud wo me sich wünsche wurd

Grund für stundenlange Diskussionen, jede Daag e treue Begleiter, Farbtupfer im Alltag, Läbensinhalt und no viel, viel meh

mee als geschter – weniger als morn

e haiseri stimm am mäntig morge❤️💙

öffentlichs Guet. Är ghört dr Stadt, Region und allne Mensche, wo sich drfür begaischtere.
Är isch kai Spekulations-/ und Wirtschaftsplattform!

nid numme Teil vomene Sport. Es versteckt sich so viel mehr hinter däm Wort.

…vielmehr als eifach nur Fuessball. Verbundeheit, Emotione, Erläbnis, Erinnerige und vieles mehr

I mim Härze immer und überall drby

e rotblaus Virus, wo gege jedes Mittel resistänt isch. Sigs e Hypnose-Therapie us Zeinige odr e Giftsprützi us London.

…Öppis, wo ich, sit minere Kindheit, mit mim Babbe teil. Die vielä Magischä und au nyyd so schönä Nächt im Joggeli, ä Einzigartigi Magie❤️💙. Eifach Familie, Spannig, Erinnerigä fürs Läbe und Emotione.

…das woni yystand und über d Gränze gang!

Liedeschaft, zämmehalt, freud&leid, familie
♥️💙

Syt über 50 Johr e wichtige Teil für mi, mi Sohn und mini Grosskinder

Liideschafft, Früünde, Freud, Leid und ….. zämme…

Min Mittelpunkt, mi Läbe, mini Familie und Fründe