Eine Lebenseinstellung – von der Geburt bis zum Tod und darüber hinaus!

langi Joor ä Herzensaglegeheit gsi, aber es wird immer schwiriger. Offesichtlich will do öpper alles kabutt mache…

…ai Stadt, ai Club, ai Liebi ❤️💙

Alles. Im mim Härz mit voller Emotione und Liedeschaft. Au wenns nid glänzend usseht, ich stand und wird immer hinterem FCB stoh. Hiehnerhut bim ihlaufe, s schreie bi Goal, s Liedersinge fürs Kämpfe, s Juble bi Erfolg, alles ghört dezue und alles wird für immer in mim Härz bliebe

e Liideschaft, Emotione, Liebi und somit e wichtige Teil vo mim Läbe❤️💙 Rotblau bis in Tod

e wichtige und fest verankerte Bestandteil vo dr Stadt und dr gsamte Region.
E Gmeinsamkeit wo so viel lüt verbindet und die unterschiedlichste Lüt zämmmebringt.
E grossi Liebi sit vielne Joor wo me nit in so kurze Wort cha schildere

e Teil vo dr persönliche Identität wie d’Auge wome het oder d’Sprooch wome redet.

Liedenschaft au uf FCB Reise
in ganz Europa !

Ewigi Verbundeheit

Tradition…
………………..vom Babbe zum Sohn!

Kindheitserinerig

meh als eifach nur e Fuessballclub. Är isch e Idee, wo Lüt us allne Schichte und verschiedenschte politische Richtige unter aim Dach vereint.
Die Idee gsehni in grosser Gfohr, wenn unsere FCB an usländischi Investore verkauft wird.

eifach ALLES!

meh als numme e Verein. Es isch wiene zweiti Familie. E teil vom Lääbe wo nid darf verlore go.

Dr Inbegriff vo für was es sich z kämpfe lohnt

… Ussbräche und Yytauche!
.

Dr FCB isch für mi mehr als e Club, oder e Mannschaft. Er isch Läbensinhalt und Läbensihstellig.
Für RotBlau stand ich yy & ahne!

Uf Gwachse mit em club.
Leidenschaft emotione eigentlich Alles
Das ich mit de jungs hinter de MANNSCHAFT STOO UND ALLES ALLES GEH FÜR DE FCB

ROT BALU BIS ZUM TOD

eigendlig unbeschriblig. Y probiers trotzdäm. Dr Verein isch näbscht dr Fasnacht s wichtigschte Kulturguet vo dr Region. Är stoht für Kollege und vereint au sunscht alli gsellschaftliche Schichte. Dä Club löst so viil Emotione us. Dr FCB isch für mi e Läbensihstellig.

joorelang e däglichs Trikotwäsche vo mim damals 3 jährige Sohn gsi, will er nüt anders het wellä azieh… hüt treit er wie fascht all sini Fründe im Ortsverein nüm s‘Trikot vom FCB sondern das vo sim Ortsverein oder eme andere Verein wie im Fall vo mim Sohn vom BVB…

wichtig.

viel mehr wie nur eh Verein..
Gueti Fründe, tolli Reise & unvergässlichi Moment mit RotBlau!

genau eso Basel wie dr Rhy und d Fasnacht. Sit Generatione zämme Vorfreud ha, zämme dr Match und s Drumumme gniesse, zämme sich ärgere und zämme fiire.

E Familie Gschicht…

Unbeschrieblichi Emotione, bi Sunneschiin & Räge, für immer Rotblau.

FCB Fän kasch nit wärde, FCB Fän das muesch syy.

Emotione wo durch nüt anders in mir hervorbrocht wärde & wo für nyd FCB Fans nyd z beschriebe sind. Schad miesse z gseh, wie d Fiehrig dr Gaist vom FCB nyd verstande het & am zerstöre isch, obwohl er soviel Mensche beriehrt. Fahne, Faggle & no meh, aber wäg vom Kommerz!

Mi Lääbe!

d’Emotione, d’Freud, s’Lyyde und s’Schreye wo mi syt minere Kindheit begleited und nid dörf kaputt gmacht wärde!

Fahne, Faggle & no mee…

es Gfühl wo mer nit kann beschriebe. Es isch d Liideschaft und d Emotione. Stell dr vor, wie dr das fehlt…

…das woni yystand und über d Gränze gang!

diä spannenderi zweiti Halbzyyt vo mim Läbe.

E Grund s Läbe chöne gniesse, vom Altag abzschalte. Wie e zweiti Familie.

Für mii als Sälbschtändigerwäärbende mit eme 4jooresplaan dr Chaare scho nach 3 Joor an dWand faare isch e no go. D Füerihsriege vom FCB mues goo

Hoffentlich bald mitre neue Fiehrig. Wie friehner, woni no chli gsi bi. Sit däm isch dr Club alles und no meh für mi.

The one and only

E HÄRZENSAGLÄGEHEIT

mit und gege dr Strom z schwimme, immer für d Sach, d Farbe, dr Stolz und d Treui.

Syt ich e klaine Bueb bin isch de Fcb e wägbegleiter für mich. Familie, so wie Fründe verbindet dr Fcb.

S Läbe, Fründschaft, Familie…. Kurz und Knapp Alles!
E mänge hätt gärn di platz……♥️💙

die wichtigschti näbesach vo dr wält!!!

meh als NUR e Verein!!!

Ein riesiger Teil meines Lebens, meine Herkunft, mein Lieblingshobby, meine Motivation, das Herz meiner Stadt, es bedeutet einfach zu viel für mich und es macht mich wütend mein FCB in so einem tiefen Niveau spielen zu sehen, alles wegen diesen unfähigen Typen Burgener und Heri.

Öppis wo uns alli zumene homogene Gmisch vereint, egal welles Alter, welli politischi Ihstellig oder welle Hintergrund. Dr FcB isch Läbensinhalt und kei Wirtschaftssimulator womme mol schnäll cha bitz ummespiele demit!

allles was ich lieb,und no viel meh!

Nit in Wort z fasse

Unbeschriblich!!

emotione u mis läbe – eifach aues!

Für immer rotblau

… dä Verein wo die ganz Region verbindet.
… dä Verein wo Lüüt us allne soziale Schichte zämme bringt

wiene Quadrat in eme Kreis! An ihm und wäge ihm egg ich immer wieder aa…

…sit mim erschte FCB-Shirt Ende 60er-Johr bis zur FCB-Corona-Maske grad jetz mehr als 50 Johr rotblaui Emotione puur!❤️💙
VALE BLIIB BE UNS !!!

…e Grund zum e jedes Spiel z verschiebe.

Selber dfyr sorge, dass rotblau widrmol gwünnt.

E Familieaagläägeheit in 5 Generatione!

usemne klaine Same durch Faszination und Lydeschaft zumene prächtige Baum gsprosse, wo tief in Basel und sinere Umgebig vrwurzlet isch.
Und trotzdem isch r nit vo Holzhagger und Zünsler gfeilt. Es gilt n z’beschütze!

nid numme Teil vomene Sport. Es versteckt sich so viel mehr hinter däm Wort.

Härzbluet ❤️💙

…dr Ursprung vo unzählige prägende Erläbnis, Emotione und Gschichte. Es gäbt unändlig viel z verzelle und doch ischs kuum in Wort z fasse.

… dä Club wo mi Härz überlauft – und kei Gäldwäschereyobjäggt.

DER Verein, seit meiner Jugend! Mein erstes Trikot war das mit der Nr. 8 von damals Erni Maissen. Auch er war Reinacher und mein Idol. Der FCB braucht ein Topmanagement mit einer klaren Vision, viel Fussballverstand und Akzeptanz in der Region.

…wie au für mini Gina mi Härzbluet ❤️💙

meh als nur e Fuessballclub. „Sait dr Babbe zu sim Sohn“ isch nit nur e Fanlied sondern wird au gläbt. Ich stand y, dass mini Kinder au in Zuekunft dä FCB dörfe erläbe wo mir alli kenne und liebe. Dr FCB darf nit zumene Spielball vo usländische Investore wärde!

e Läbensbegleiter, durch dick und dünn. Und das isch kei Floskle.

e Läbensyhstellig und nid eifach e Läbensabschnitt..!

scho syt viile Joohr e gorsse Täil vo mim Läbe. Är isch de Grund vo so viile schöne Erinnerige, Zämmehält, Fründschafte, Freude, Emotione, und vielem meh.
Är beriicheret min Altag mit so viele schöne Erläbniss. Lömmer nit zue, dass s Rot-Blaue Härz ❤️💙 verloore god….

e faszination woni nie wird verstoh

mit dr Groossmamme die ersti Fahne z naaie und die voller Stolz immer und überall hoch z halte.

Familie…
…. mit dir hani Höhene und Tiefene erläbt, die beschte Fründe überhaupt kenneglernt, vieli Länder bereist, brielt odr glacht, gsunge odr gschraue, bi dinne&dusse gsi, ha Zämmehalt und Lydeschaft gläbt und gliebt.
Das söll au so blybe!

…e grossi Liebi – au zmitts uf em Atlantik.
Drum duets im Härze weh, wie dä Club in kurzer Zyt ins Eländ grytte worde isch.

Emotione, Familie, Fründschaft, släbe,❤️💙

Fründschaft und Emozioon!

Aceto Balsamico! Doch im Momänt nur e ,,Leyde am Stei“.

Eimol fcb immer fcb rot blau bis in tod ❤💙❤💙❤💙❤💙

Teil der Identität.
Nur wenn me au in schlächte Zite mit drbi isch,
isch me wirklich drbi! Alles andere isch Banane.

Identität und Kultur. Unverkäuflich , nur Vererbbar.

Alles gä fyr Rot und Blau

Dr FCB Isch e Teil vom Läbe, für mi, d‘ Stadt, d’Region und viili Mensche in dr ganze Schwiiz.

…e Füür woni au bi mine Kinder möcht entfache!

das, wome wytergit.

Inspirationen für Geburtstag meinem Sohn

Freud und Leid. Scho syt klei uff e ständige Begleiter und dr Grund für unbeschrieblichi Momänt, wo eim niemer ka näh – und genauso sölls au mitm FCB si!

Härzenssach❤💙

für vili joore emotione, freud und leid egal ob dehei oder uswärts. leider git er aktuell in dere surreale zyt nid dä halt resp. die freud wo me sich wünsche wurd

Abgse vo de sportliche Höheflüg in de letschte beide Joohrzähnt au näbem Platz e Vorbild gse. E Club wo mitre ehrliche Art und enre klare Kommunikation Nochhaltigkeit & Beteiligung gläbt het. Er isch für Prinzipie igstande wo über dr kommerziell Erfolg gange sinn. Die ganzi Arbet wird grad kaputt gmacht. Drum: Zrugg zur Demut und erscht rächt kei Verkauf an Inveschtore wo die Wärt egal sin.

Freyheit & Emotione

Läbe, Familie, mit Fründe Singe, Gwünne, Verliere…
Hoffnig, Vorfreud, Sunneschiin, Rääge…
Uswärts, Deheime, International, National…
Stromusfall, Buspanne, „Wandere“, Usrede…

aber sicher nit in dä Händ vomne usländische Unternähme.

eh Härzensaahglägeheit wie myni beide Brüeder

… out of Jamaica…
…Emotione worlwide, stolz mi Trikot präsentiere….drbi si au wenn nur am tivi…wenn ich do bin ab an Match!

…singe und gwinne, schreye und duuregheie, usser Rand und Band – fescht und für immer in Basler Hand!

e Familie Tradition über Generatione

e Teil vo Basel, Emotione, Freud, Leid, Fründe und e härzensaglägeheit

E Grund zum Duurebisse.

syt 50 Johr en ständige Begleiter i mym Läbe. Bi Sunneschi und Räge….

…. wie eine Ehe: in guten wie in schlechten Zeiten!

dä Verein wo mi sit glai uff begleitet het und so villi unbeschriibliggi Emotione mit gäh het uf däm Wäg. So vill traditione wo ich mim glaine Sohn au no möcht könne wiiter gäh.

Die ersti Grossi und die einzig Wohri Liebi! Dr FCB isch durch sgänze Läbe duure e wichtige Teil gsi und wird das au immer bliibe. sJoggeli isch mi dahai, e Ort wo Frünnde und Familie striiterei und Sorge könne vergässe und sich eifach RotBlaue Emotione könne hiigäh

Basel isch die Fuessballstadt und mit em FCB verbinde ich sovyli unvergässligi Emotione in Rot/Blau. Basel isch Kult

ä teil vo mim Lääbe, täglich. Es git kei Daag wo ich nid mindestens 1moll an FCB dänk, irgendwas seh wo mich an FCB dänke lost, au wenn kein Match isch.
Ai Stadt, Ai liäbi, Ai Club!!

nit in Wort z fasse! Ganz sicher überlöön mir Di nit an ere Briefkaschtefirma.
Sunscht goht alles dr Bach ab.

e wichtige Teil vom Läbe, wo mi immer begleitet – im Kopf, im Härze und uf dr Schultere…..
vo Basel bis nach Melbourne, vo Paris nach London und bis nach New York.

dä Club, wo dr Grund gsi isch, ass dr Glay dr Bappe zum erschte Mol het ghöre flueche und es paar Joohr spöötr sälbr die Emotione gha het, Fassigslosigkeit, Wuet, abr au Glyggseeligkeit.
Dangge FCB <3

…tief in meinem Herzen, seit ich als kleiner Knopf von meinem Papa ins Joggeli mitgenommen wurde und erfürchtig Odermatt, Hitzfeld & Co. Nicht nur im ❤️, auch auf Reisen ist der FCB immer dabei 💙 Macht diesen Verein nicht kaputt!

dä Verein wo mi scho sit klii uf begeisteret.

unverzichtbar. Hüt vor 25 Joor bin i an däre Stell d Stääge uffe ins alte Joggeli, ha di s erscht Moll gseh und sithär losch mi nümme los. Das mues so bliibe.

Begeisterig sit em erste Tag und uf immer!!!

Dr FCB isch für mich als Baselbieter fest in dr DNA dinne. Fu chlei uf wachst meh mit dem Verein uf got and Heimspiel und freut sich uf jedes spiel, s Resultat isch nid wichtig, es got um Liedeschafft, Bereitschaft und Teamgeist. Eigeschafte wo aktuell verlohre gönd ES LÄNGT

Grösser als meh in Wort ka fasse

… meh als numme e Verein. Meh als numme 90 Minute luutstarggi Unterstützig. Meh als numme d Extrazugfahrte durch die ganzi Schwiiz.

weil ich auch schon beim Abstieg Fan und das live mitbekommen habe

E Teil vo mir und Basel

…und das no s‘erschte FCB-Shirt vo Ende 60er-Johr ❤️💙
VALE CHUM BALD ZRUGG !!!

Emotione und Bluet!

Besser ohni Sforza &Burgener
Meh als nur e Club !🔴🔵

Immer no e top Manschaft, mir müsse basel wyterhin unterstütze❗🔥

… Fründe, Familie, Identifikation, Lyydeschaft, Traditione, Gemeinschaft.

…Emotione, Liebi❤💙Treui
E gaaaaaanz wichtige Teil vo mim Läbe!!!

…dr Protagonist vo de wichtigste soziale und kulturelle Aläss in dr Nordwestschwiz.

Familietradition, 💙 Treui ❤️ Liebi und BASEL!

E Teil vom Läbe. Was heissts scho e Basler s zii wemme nitt ins Joggeli kah go und die Emotione erläbe, die Farbe z Zeige und em FCB zue z singe !

Liideschaft und Liebi!

ALLES! Eine solche Liebe kann man nicht in Worte fassen. Nichts auf der Welt darf und kann uns trennen …

Beaucoup de souvenirs et d’émotions passés en famille.

kämpfe bis zum Schluss – in guete und in schlächte Momänt. S erscht Mol im Joggeli zu Nati B-Zyte. Sythär so vyyl Emotione, surreali Erfolg. Hüenerhutt. Fahne und Füür. Scho damals isch mr bewusst gsi, was das für e aimooligi Zyt isch. Jetzt isch’s au surreal, leider – aber es wird wieder uffwärts goh.

dr einzyg wahry fuessballklub!

Öpis wo alles verbindet.

… mi Chindheid.
… mi Jugend.
… mi Läbensfroid.
… mi Emotion.
… mi Härz.

♡ Für immer rotblau ♡

mi Klub sit i Kind bi gsi. Isch e Teil vo mim Läbe. Macht Freud wenn er gwünnt und Leid wenn er verliert. Isch öppis wo mi begleitet bis i stirb. Isch e Härzensaglegeheit. Und momentan macht s Härz weh wenn i sie seh spiele. Kunnt hoffentlich wider e besseri Periode

… mini Liebi, mini Fründe, mi Deheim!

De Fcb het mini kindheit prägt, isch de mittelpunkt in mim läbe. Es sind emotione, verbundeheit und no ganz vyl meh.

…wie e guets Konzärt. Aber im Momänt wie e schlächte Film..

schlooflosi nächt und verdräumti dääg. aktuell mee e albtraum, wo hoffentligg bald ändet.

unentwägt unterwägs si, niemools aakoo und doch überall dehai si.

de grösst traditions club vor schwiiz

Nüd ohni Vale!!

e Droge.

… Inschpiration, zumindescht no gsy, bis voor e paar Joor.

alles und nomeh

Gumpe, zünde, Lieder schreye, Fahne schwänke, duregheie. Meh als nur e Fuessballverein wo mi Härz sit klei uff lost loh schnäller schloh und mi ständig begleitet, egal wo mi s Läbe ahnefiehrt.

Emotione, Vieli Erinnerige und Kindheit

sit Joorzähnte e Vorbild wie me gschlächter-, generatione- und gsellschaftlich ka zämme yystoo und öbbis mit Freud, Usduur und Wille ka erreiche.

so vill meh als nur e Verein, sisch e Gmeinschaft für gross und chlei.

viel besser ohni Bernhard Burgener.

bim zrugg luege viili Johr schöni Momänt – bim vüreluege hoffentlig au!

E♥️ Aglägeheit, eimoll FcB immer FcB

vo mir us widr 21 Joohr, 9 Mönet und 24 Dääg ufe nöggste Titel warte wenn nur s Härz vom Club rotblau blibt. Und Ignorante wie Burgener/Heri odr Investore wie Centricus könne das nid begriffe, geschweige denn umsetze.

En teil vo mim lebe Emotione, liedeschaft eifach es unbeschrieblichs gfühl
FÜR IMMER UND EH DAAG ❤️❤️💙💙

Liebi bis in Tod….

Mini Familie, mis Läbe, mini Lideschaft und mis Dehei❤️💙

FCB Fän kasch nit wärde, FCB Fän das muesch sy.
Syyt 1965

Drey Modefan hän mini Farbe , mi Verein an d‘ Wand g’fahre und das sind kaini FCB Fan und das chönne sie au ni wärde , e Gruss an alli ächte Rotblaue Seele…..

… e Gfühl im Härz & d‘Seel vo dr Stadt!

s ainzig Theema, wo mi syt mynere Zyt as Buschi beglaitet.

es dehei und eh liebi! eh Fuessballclub wo so grandiosi, magischi und unvergässlichi Nächt het dörfe erläbe! Fuessball isch de Sport uf de Wält und sött ned kaputt gmacht wärde vo lüt wo kei erfahrige bringed! FCB mer liebe dii! und ned d füehrig!! Jetzt muess öppis passiere!

Lideschaft, Herzensaglegeheit, 2. Familie, die witigschti Nebesach!

…Kultur!

Ai stadt ai liebi für immer und ewig ❤️💙❤️💙

S Härz für e FCB wo me über Generatione wyter git

sit 1967 mi Club und mi Liebi und wirds au immer bliebe.

…Emotione und au Traditione…
Ei Gmeinschaft und ei Zughörigkeit wo ich suscht no niene empfunde ha. Mis Härz schloht Rot Blau! ❤️💙

Meh aus nur e Verein!

Syt bald 60 Joor drbyy und alles miterläbbt. S duet aim wee, wenn me muess aaluege, wie dr FCB vo unfäähige Lyt wiider (wie in den 80Joor) an d Wand gfaare wird. S rot/blau Härz bluetet! Soo wyt darfs aifach nit koo! Me muess ebbis dr geege duet und zwoor subito!

mee als geschter – weniger als morn

Stadtgschicht, Landhof, Basel, Kultur, Erinnerig. Läbe, schutte, Bier, schreie, Joggeli, kollektiv erläbti Emotione. Familie, Träffe, sich vrstoo, dummschwätze, geili Siech*inne und so viel mehr.

als Füürwärk in Erinnerig, prägt vo Emotione, Zämehalt und Faszination verbunde mit momentaner Fassigslosigkeit, Unverständnis und Wehmuet.

… Erinnerige; uf dr Fotiwand und im Härze.
… vo klei uff e Konstante im Lääbe.
… Emotione.
… e Familie.
… dr Grund fyr d’Entstehig vo läbenslange Fründschafte.
… Kulturguet vo dr Stadt Basel!
… mi Härzensverein.

Isch mi läbe en ganze stolz sit chendheit scho
Emotione im stadium gebt mer em weder gänse hut da esch de FCB för meh hoffe meh gwönne weder es spel ❤💙

hoffentlig au none Teil vo minere Zuekunft.
Denn bi Sunneschyn und Räge…

sit Kindesbeine e Teil vo mim Läbe. Ich bi scho als kleine Knopf vor über 50 Joor mit em Papi an d Match vom FCB ins Joggeli spaziert. Ich ha dr Abstieg ebeso wie die viele Titel live miterläbe miesse/dörfe.
Löhmer dr FCB nid stärbe!!!!!

für immer&ewig!

Wir brauchen einen Präsidenten und Inhaber, der weiss, wie man einen Fussbalclub führt – Burgener ist das in KEINEM Fall, das hat er eindrücklich bewiesen. Hr. Heri ist kein qualifizierte Fussball-CEO, weder hat er die Erfahrung noch die Qualifikation dazu.
Beide müssen weg !!!!!

LaLaLaLaLaLaLa LaLaLaLaa LaLaLaLaa
Für di würd ich
LaLaLaLaLaLaLa LaLaLaLaa LaLaLaLaa

E Stügg Heimet…………

… e singende Obe mit Fründe nebe me schlechte DJ ufeme Ahänger am letschte Obe vom Appenzeller-Stand ufem Parkplatz hinde am Joggeli nacheme 3:1 gege Züri im Cup.

e haiseri stimm am mäntig morge❤️💙

für Basel und d Region unverzichtbar.

Alles und noh bizli meh… Zäme Gipfel überwinde. Die rotblaue Farbe ynd Welt draage.

… wie e guete Fründ, woni mitem vili schöni Erläbnis ha dörfe teile. Obwohl är sich in letschter Zit drnäbe benimmt und sich immer wie meh entfremdet, hofft me doch, dass irgendwenn alles wieder wie friehner wird!

Tradition, Zämmehalt, Fründschaft und Familie.

e Emotion wo me mit de beschte Fründe teilt.

Meh als nur en Fuessballverein… Siit chli uff begeisteret mich dr FCB, git mir Motivation und lebensfreud. Füre FCB reisi jedes Wucheend dür die halb Schwitz, um d Mannschaft z unterstütze 🔴🔵. Rotblau bis in Tod!

E Läbessinn
E Liebi wo nie wert ufhöre

Dr FCB isch für mich me als nur e Fuessballclub. Für mich bedütet er e grossi Verbundeheit zu mim Grosvatter. Zämmä lachet, briele, tanze, gumpe, fyre und jublet mir mit üsne Blau Rote Adere im Bluet❤️💙 Uns Bedütet de FCB Alles und wird eus bis i Himmel begleite.

…bi Sunneschyn und Räge zämme hebe ❤💙

meh als numme e Fussballverein us dr Region. Är isch e grosse Teil vo mim Lääbe, mi sozials Umfäld und dr Usglich zum Alldaag.

dä Ort wo sich en grossteil vo mim soziale Läbe abspielt und dodrmit au als Anker in herusfordernde Zite fungiere kha.

…olé super fcb!
Lueged bitte alli, dass au ich none rotblaui zuekunft ha.

Dr roti Fade wo durch mis Läbe goht, s blaue Band wo Familie und Fründschafte zämehebt!!

e soziale Träffpunggt wo me mit Respäggt und Wärtschätzig mitenander umgoot. Leider isch das unter dr aktuelle Fiehrig zu oft nid dr Fall gsi.

Lyydeschaft ufem Platz, Emotione uf de Räng, vor und nachem Match Fründe träffe und diskutiere, Freud oder Leid am Mäntig drno und daagelangi Vorfreud ufs nägschte Spiel.

e Religion und e lebändige Mythos, eifach unvergliechbar.

der einzig fuesball-club ir schwiz…sit ich chan laufe…sit 51johr und das als zürcher…mit 2 jahreschorte sit über 20johr…bin stolz…
im foti mihn sohn als kline pfüderi…inzwüsche isch er 18i…

Dr FCB kasch an d Wand mole … abr nit an d Wand fahre!

Mee als nur 90 Minute. Dr FCB isch i mim lääbe allgegewärtig, sigs Dehaim, uf dr Stroosse odr im Gschäft. Es isch e lääbensihstellig wo ich als chleine Bueb vo mim Vater ihgimpft bechoo han. Es wiird nie öbbis grösser geh als unsere FCB!

E treue Begleiter egal in wellere Läbenslag. Es Gfühl wo mi begleidet uf dr ganze Welt.. Emotione wo keini Grenze kenne. E Ort wo Fründschafte gläbt wärde. E Kompass für Reise in Ostblock. E Ort voller Erinnerige. E Liebi wo nie wird ände. E Teil vo dr Identitet in dere Stadt.

sit mim erschte Match im Joggeli e Abentüür

E Härzensahglägeheit wofür mehr jetzt erst recht muss Yystoo!

E Verein wo die ganz Familie mitriest und alli mitfane chöne. Mä kennt sich und noch in guete und au schlächte Zyte….

Emotione, Stimmig, Faszination, Liideschaft u.v.m
Zu schlechte wie au gute Ziite!

ein Club der Generationen verbindet: Grossvater, Vater & Sohn…